31 марта 2010 г.
Иртнĕ эрнере Патăрьелĕнчи пĕрремĕш вăтам шкулта кăнтăр районĕсенчи вĕрентекенсемпе пушар хăрушсăрлăх йĕркине пăхăнас тата ун пек чухне кирлĕ йышăнусем тăвас ыйтупа республикăри семинар пулнă. Ăна ЧР Вĕрентÿ тата çамрăксен политикин министерствипе райадминистрацин вĕрентÿ пайĕ, республикăри вĕрентÿ институчĕ, Пĕтĕм Раççейри пушар обществин Чăваш Республикинчи организацийĕ йĕркеленĕ.
Обществăлла çуртсенче, транспортра пушар хăрушсăрлăхĕн йĕркисене пăхăнмалли пирки республикăри патшалăх пушар надзорĕн Патăрьелĕнчи уйрăмĕн дознавателĕ А. Сайкин, пушарта сиенленнĕ çынна пĕрремĕш пулăшу памалли йĕркесемпе Патăрьелĕнчи пĕрремĕш вăтам шкулти И. Чернова паллаштарнă.
Семинара хутшăннисене огнетушительсемпе усă курмалли йĕркесене те аса илтернĕ.