31 марта 2010 г.
Салтак тумне тăхăннă çын яланах сумлă та, хисеплĕ те пулнă. Паян районта 449 воин-интернационалистпа тĕрлĕрен вăрçа хутшăннă ветеран пурăнать. Анчах, шел пулин те, Тăван çĕр-шывăн аслă вăрçинче мирлĕ пурнăçшăн кĕрешнисен йышĕ çулсеренех чакса пырать. Паянхи куна Юхмапа Пăла тăрăхĕнче 126 ветеран пурăнать.
Хальхи вăхăтра районĕпе 300 ытла çамрăк хĕсметре тăрать. Вĕсем пурте пулас салтаксемшĕн ырă тĕслĕх вырăнĕнче. Унсăр пуçне 37 каччă çар училищисенче вĕренеççĕ. Раççей çарĕн офицерĕ пулас текенсем ÿссе пыни те кăмăллă.