Публикации » Шăнкăртамри ташă коллективĕ чылайăшне тĕлĕнтернĕ

03 апреля 2010 г.

Çак кунсенче Мари Элти тутар культурин центрĕ йĕркеленипе Йошкар-Ола хулинче ачасен пултарулăх ушкăнĕсен регионти фестивалĕ иртнĕ. Унта Раççейĕн тĕрлĕ кĕтесĕсенчен наци культурине тытса пыракан чи ăста ушкăнсем хутшăннă. Вĕсем хушшинче ташă ушкăнĕсем те, юрлакансемпе тĕрлĕ инструментсемпе калакансем те пулнă. Конкурсантсенчен Шăнкăртамри пĕрремĕш вăтам шкулти Т. Торговцева ертсе пыракан «Биляр» ташă ушкăнне куракансем ура çинче тăрса алă çупса хакланă. Ташă ушкăнĕ иккĕмĕш вырăн йышăннă. Уйрăм сцена ăстисенчен М. Хисамутдинов, А. Абитова, А. Валитов, Л. Сультеева фестиваль дипломанчĕсем пулнă.