03 апреля 2010 г.
Чăваш Республикин Президенчĕ Николай Федоров юнкунхи ĕçне Шупашкарти Мускав районĕнчи пасартан пуçланă. Мăнкун умĕн вăл уяв сĕтелĕ валли купăста, кишĕр, ыхра, ытти пахча çимĕç туяннă. Сутуçăсемпе, тавар туянакансемпе калаçнă чухне Президент хăй пасара ачаранпах юратнине пĕлтернĕ. Вăл палăртнă тăрăх, çакнашкал пĕчĕк пасарсем кашни микрорайонтах кирлĕ. Çакăн лайăх енĕ нумай: хамăр йăран çинче пухнă пахча çимĕç хаклă мар, тутлă, экологи тĕлĕ-шĕнчен таса.
Çав кунах Николай Федоров республикăн тĕп хулин ертÿçипе Николай Емельяновпа тĕл пулнă. Шупашкарăн мĕн пур микрорайонĕнче тирпейлĕ пĕчĕк пасарсене аталантарма сĕннĕ.