07 апреля 2010 г.
Иртнĕ эрнекун районти культурăпа кану центрĕнче Вĕрентекен çулталăкне халалласа «Çуркунне пики – 2010» конкурс йĕркеленĕ. Унта хамăр районсăр пуçне кÿршĕри Елчĕк тăрăхĕнчи учительсем те хутшăннă.
Интеллигенцин çак ушкăнĕн анлă тавра курăмне кура конкурса тĕрлĕрен кăткăс ыйтусем, ĕçсем кĕртнĕ. Кунта вĕрентекенсен тĕрлĕ енлĕ фантазийĕ пысăк вырăн йышăннă.
Конкурсра пирĕн районти Çĕньялти Н. Квасова, Аслă Чементи А. Ананьева, Патăрьелĕнчи иккĕмĕш вăтам шкулти Т. Кошкина, Патăрьелĕнчи пĕрремĕш вăтам шкулти С. Сафьянова тĕрлĕрен номинаципе çĕнтерÿçĕ пулнă. Жюри членĕсем Турханти О. Андреевăна «Вице – пике» тесе хак панă. «Çуркунне пики – 2010» ята вара Елчĕк районĕнчи О. Егорова çĕнсе илнĕ.