Публикации » Пĕччен ватăсемпе ăнлантару ĕçĕ йĕркеленĕ

07 апреля 2010 г.

Хирти Пикшик ял тăрăхĕнче пĕччен пурăнакан кинемейсемпе мучисем сахал мар. Çак кунсенче культура ĕçченĕсемпе ял тăрăх специалисчĕсем ватăсем патĕнче пулнă, уйрăм хуçалăхпа пурăнакан 203 киле çитнĕ, вĕсемпе хăрушсăрлăх ыйтăвĕсемпе профилактика калаçăвĕ ирттернĕ. Аксакалсенчен пĕрре виççĕмĕш пайĕ кивелнĕ çурт-йĕрте пурăнать. Çакнашкал ватăсен вут-кăварпа, электричествăпа усă курнă чухне пушшех тимлĕ пулмалла. Çавăнпа та сулмаклă çула çитнисемпе куçа-куçăн курнăçса калаçни «Пурăнмалли çурт-йĕр – 2010» операци тапхăрĕнче питĕ вырăнлă.