07 апреля 2010 г.
Кăçал историшĕн пĕлтерĕшлĕ паллă – совет халăхĕ Тăван çĕр-шывăн вăрçинче çĕнтернĕренпе 65 çул çитни. Юбилейлă çулталăк ăнăçлă иртсе пырать. Çак тĕллевпе районта мероприятисем, тĕл пулусем йĕркелеççĕ. Тивĕçлисене юбилей медалĕпе чысласси те вĕçленсе пырать.
Районти культурăпа кану центрĕнче, сăмахран, çулталăк пуçланнăранпах алă ăстисен, ÿнер искусствине парăннисен куравĕ ĕçлет. Унта тĕрлĕрен ял тăрăхĕсенчи «ылтăн» алăллисем хăйсен ĕçĕсене тăратаççĕ. Хальхи вăхăтра куравра Нăрваш Шăхаль тата Çĕньял ăстисен пултарулăхĕпе паллашма пулать.