10 апреля 2010 г.
Районти чылай организаци, предприяти ертÿçисем ĕçлекенсен укçине банкомат урлă илме ирĕк пачĕç. Анчах та пур ертÿçĕ те коллективран килĕшÿ ыйтнă-ши;
Сăмахран, эпир, редакци ĕçченĕсем, кун пек илме хирĕç пултăмăр. Енчен те илмелли вăхăт канмалли кунсене çаклансан аванса та, ĕç укçине те эрнекун паратпăр.
Банкомат урлă илекенсен уйăхăн 7-мĕш числинче илмелле пулсан е 12, е тата та каярах илеççĕ. Кам айăпне пула çынсем хăйсен шалăвĕпе кирлĕ пек хуçаланаймаççĕ. 5 е 6 кун хушши вĕсен укçипе кам усă курать-ши; Ку Ĕçлев кодексне тата коллективлă килĕшĕве пăсни пулмасть-ши;
Эпĕ ку йĕркене пăрахăçламалла теместĕп: уйăхăн хăш числинче илмелле, çав кунах илме пултарччăр. Ахальтен çырмастăп: редакци почтине чылай çыру кĕрет.
З. АЛЕКСАНДРОВА.