Публикации » Ветерансем валли хваттерсем

14 апреля 2010 г.

Чăваш Республикин Министрсен Кабинечĕн Председателĕ Нина Суслонова Тăван çĕр-шывăн Аслă вăрçин ветеранĕсене пурăнмалли вырăнпа тивĕçтерес ыйтупа канашлу ирттернĕ. Хваттер условине лайăхлатас ыйтупа 2005 çулхи мартăн 1-мĕшĕччен черете тăнисем республикăра 6 ветеран юлнă. Вĕсене апрелĕн 20-мĕшĕччен хваттер парассишĕн муниципаллă районсен пуçлăхĕсем яваплă.

Канашлура калаçу 2005 çулхи мартăн 1-мĕшĕ хыççăн черете тăнă вăрçă ветеранĕсен пурнăç условийĕсене лайăхлатас пирки пынă. Çакăн пек тĕллев лартнă: вĕсен ыйтăвне 2010 çул вĕçлениччен тивĕçтермелле. Паянхи куна патшалăх пулăшăвĕ илмеллисен списокĕнче 720 çын. Вĕсен шучĕ ÿсме те пултарать. Çавна май районсен администрацийĕсен пуçлă-хĕсен çар ĕç комиссариачĕсемпе тата Пенси фончĕн управленийĕпе пĕрле ветерансене тепĕр хут шута илсе тухмалла.