17 апреля 2010 г.
Паян Пĕтĕм Раççейре Ыр кăмăллăх эрни пуçланать. Вăл апрелĕн 24-мĕшĕччен пырать.
Раççейре çак эрнене ирттересси 1997 çулта пуçланнă. Унăн тĕллевĕ – социаллă пĕлтерĕшлĕ мероприятисене тĕрлĕ çулри граждансене хутшăнтарасси.
Ыр кăмăллăх эрнинче районти çĕр-çĕр çын социаллă проектсене пурнăçлама хутшăнать.
Кăçалхи эрнен уйрăмлăхĕ – Аслă Çĕнтерÿ 65 çул тултарни. Çавăнпа та вăрçă нушине тÿснĕ çынсене пулăшасси, палăксене, урамсемпе кил-çуртсене тирпейлесси, музейсемпе усă курасси тĕп вырăнта пулать.
А. САЛМИН.