21 апреля 2010 г.
Районта пулакан пушарсен сăлтавĕ тĕрлĕрен. Вĕсенчен пĕри–пĕчĕк ачасем ăнланмасăр шăрпăкпа выляса инкек туса хуни.Çавăнпа та Раççей Чрезвычайлă лару-тăру министерствин Чăваш Республикинчи Тĕп управленийĕ ака уйăхĕнче ачасен вăййине пула тухакан пушарсене хирĕç кĕрешмелли ятарлă уйăхлăх ирттерет. Çак тапхăрта районти пушар хуралĕн, ВДПО ĕçченĕсем, шкулта вĕрентекенсем ачасемпе калаçусем йĕркелеççĕ, шăрпăкпа выляни мĕн патне илсе çитерме , мĕн пысăкăш çухату, тăкак тума пултарнине ăнлантараççĕ, викторинăсем, вĕрентÿ урокĕсем йĕркелеççĕ, пушар сÿнтермелли хатĕрсемпе усă курма вĕрентеççĕ тата ытти те. Çавăнпа та профилактика уйăхлăхĕ усăллă, витĕмлĕ ирттĕр тесе тăрăшмалла.