Публикации » “Мехел” конкурсра Патăрьелсем те палăрнă

21 апреля 2010 г.

Апрелĕн 17-мĕшĕнче Чăваш патшалăх филармонийĕнче республикăри ачасем хушшинче чăваш юррисене ăста юрлас тĕлĕшпе “Мехел” конкурсăн гала-концерчĕ иртнĕ. Тупăшăва питĕ йышлăн хутшăннă. Жюри членĕсем суйласа илнĕ хыççăн финала 28 номер çеç çакланнă. Вĕсенчен 14-шĕ “Ансамбльсемпе хорсем” номинаципе, тепĕр çавăн чухлех– уйрăм юрлакансем. Çивĕч тупăшура Патăрьелсем те палăрнă. Шупашкарти Г.Лебедев ячĕллĕ лицейра вĕренекен Пăлапуç Пашьел пики Ольга Храмова аслă ушкăнрисем хушшинче уйрăм юрласа виççĕмĕш вырăн çĕнсе илнĕ. Патăрьелĕнчи ачасен искусство шкулĕнчи “Асамат кĕперĕ” вокал ансамблĕ вара дипломант пулса таврăннă.