21 апреля 2010 г.
Тĕнчери ĕçлев организацийĕ йышăннипе апрелĕн 28-мĕшне Пĕтĕм тĕнчери ĕçлев сыхлавĕн кунĕ тесе палăртаççĕ. Çак сферăри лару-тăрăва Патăрьелĕнчи районсем хушшинчи следстви пайĕ тишкерсе тухрĕ.
2009 çулта районсем хушшинчи следстви пайĕ ĕçлев сыхлавне пăсни çинчен калакан 16 хыпара РФ Уголовлă процесс кодексĕн 144-145-мĕш статйисемпе никĕсленсе тĕрĕслерĕ. Çакăн хыççăн ĕçлев сыхлавĕн правилисене пăхăнассишĕн яваплă 3 çын пирки уголовлă ĕç пуçарнă. Вĕсем РФ Уголовнăй Кодексĕн 143-мĕш статйипе килĕшсе тăраççĕ.
Уголовлă айăплава лекнисем хушшинче – ял хуçалăх предприятийĕсен, строительство организацийĕн ертÿçисем. Вĕсен айăпне пула çынсем йывăр аманнă. Айăплисене суд штрафланă.
Ытти тĕслĕхсем пирки уголовлă ĕç пуçарман, мĕншĕн тесен аманнисем йывăр пулман е сиенленнисем хăйсем айăплă пулнă.
В. ЕГОРОВ,
районсем хушшинчи следстви пайĕн ертÿçин аслă пулăшуçи.