21 апреля 2010 г.
Райшалĕçпайĕн дежурнăй уйрăмне пĕррехинче каç кÿлĕм Сăкăтран шăнкăравланă, 2003 çулта çуралнă хĕрача виллине тупни çинчен хыпарланă.
Патăрьелĕнчи районсем хушшинчи следстви пайĕ РФ Уголовлă процесс кодексĕн 144-145-мĕш статйисемпе килĕшÿллĕн ирттернĕ тĕрĕслев çакна кăтартрĕ: апрелĕн 5-мĕшĕнче 15 сехетсем иртсен 2003 çулта çуралнă хĕрача хăй пеккисемпе пĕрле вылянă чухне тимĕр карта çине хăпарнă, изоляцисĕр пралука лекнĕ, электричество токĕ çапнипе асфальт çине ÿкнĕ, çавăнтах вилнĕ. Пралукĕ электрошăнкăравăн пулнă.
В. ЗАЙЦЕВ,
районсем хушшинчи следстви пайĕн аслă следователĕ.