21 апреля 2010 г.
Çĕнĕ Шупашкарта каратэ мелĕпе кĕрешессипе Чăваш Республикин уçă чемпионачĕ иртрĕ. “Сетокан” федерацийĕ йĕркеленĕ ăмăртăва пирĕн район спортсменĕ Дима Софронов хутшăнчĕ. Унта Тутар Республикинчен тата Самара облаçĕнчен те килнĕ. Пилĕк татами çинче 6 çулхисенчен пуçласа каратэ ветеранĕсем таран вăй виçрĕç.
Патăрьелĕнчи 1-мĕш вăтам шкулта вĕренекен Дима 14-15 çулхисем хушшинче упражненисем кăтартсан “ката” мелĕпе кĕрешсе пĕрремĕш вырăн йышăнса Чăваш Республикин чемпионĕ пулса тăчĕ. Çапăçу енĕпе кăтартакан “кумитэ” енĕпе иккĕмĕш вырăн çĕнсе илчĕ.
Дима Софронов Чăваш Республикин каратэ федерацийĕн пĕрлештернĕ командинче тăрать.
П. Никифоров.