21 апреля 2010 г.
Сывă пурнăç йĕркишĕн пыракан акцие хутшăнса Патăрьелĕнчи 1-мĕшпе 2-мĕш вăтам шкулсем шывра ишессипе ăмăртрĕç. Тупăшу “Паттăр” физкультурăпа спорт çуртĕнчи бассейнра иртрĕ.
Ăмăртăва 5-6-мĕш классенче вĕренекен хĕр ачасем пуçларĕç. 25 метрлă хушша Я. Васюткинăпа Е. Ялукова (иккĕшĕ те 2-мĕш шкултан) 1-мĕшпе 2-мĕш вырăнсене йышăнчĕç. А. Портнова (1-мĕш шкул) 3-мĕш вырăнта. Арçын ачасен ушкăнĕнче С. Быкова (2-мĕш шкул) çитекенни пулмарĕ. Т. Филипповпа (2-мĕш шкул) Р. Янышев (1-мĕш шкул) 2-мĕшпе 3-мĕш вырăнсенче.
Унтан 7-8-мĕш классенче вĕренекенсем тупăшрĕç. Кунта А. Сорокина (1-мĕш шкул) çĕнтерчĕ. К. Алексеева (2-мĕш шкул), А. Чернова (1-мĕш шкул) малаллахи вырăнсенче. Арçын ачасенчен А. Мулюков (2-мĕш шкул), мала тухрĕ. 1-мĕш шкулти А. Хлебников 2-мĕш вырăнта, Р. Абужаров виççĕмĕшĕнче.
Малалла 9–11-мĕш классенче вĕренекенсем ăмăртрĕç. Кунта А. Селиванова (1-мĕш шкул) мала тухрĕ. Ун хыççăнхи вырăнсенче С. Мышина (2-мĕш шкул), А. Спиридонова (1-мĕш шкул).
50 метрлă дистанцире М. Ялуков (1-мĕш шкул) – 1-мĕш, А. Тинюков (1-мĕш шкул) – 2-мĕш, Д. Поляков (2-мĕш шкул) 3-мĕш вырăн йышăнчĕç.
Ăмăрту командăсем эстафетăра тупăшнипе вĕçленчĕ. Кунта 1-мĕш шкул команди мала тухрĕ.
В. Антипов.