Публикации » Кашни вăрçă ветеранне– виçĕ кĕтеслĕ конвертсем

05 мая 2010 г.

Аслă Çĕнтерÿ 65 çул тултарнă ятпа хисеплĕ вăрçă участникĕсемпе ветерансене патшалăх сахал мар парне турĕ: хăшĕ-пĕри хваттерлĕ пулчĕç, пурте укçан социаллă пулăшу илчĕç. Çак кунсенче вара вĕсемшĕн тепĕр савăнăç пулчĕ. Раççей Почтипе “Марка” ИТЦ юбилейлă пысăк уяв ячĕпе вăрçă вăхăтĕнче салтак çырăвĕсене аса илтерекен виçĕ кĕтеслĕ конвертсем кăларнă. Раççейĕпе ăна 1,6 миллион экземпляр пичетленĕ. Тĕллевлĕ конвертсем Чăваш Ене те çитнĕ. Çывăх вăхăтра вĕсене алла илĕç. Кашнине виçшер конверт тивĕçет. Вĕсем унпа усă курса хушма марка çыпăçтармасăрах Раççейĕн кирек хăш кĕтесне те саламлă çыру çырма пултараççĕ. Юхмапа Пăла тăрăхĕнче вара 393 ветеран уяв умĕн çакнашкал парнепе савăнĕ.