14 мая 2010 г.
Патăрьелĕнчи культурăпа кану центрĕнче районти художество пултарулăх коллективĕсен “Çĕнтерÿ салючĕ” фестивалĕн гала-концерчĕ пулнă. Унта Пăлапуç Пашьел, Аслă Чемен, Турхан ял поселенийĕсенчи чи кăтартуллă юрă-ташă ушкăнĕсем хутшăннă. Гала–концерта Аслă Çĕнтерÿ 65 çул тултарнине халалланă. Çавăнпа та ытларах вăрçă кĕрленĕ çулсене аса илтерекен, салтак паттăрлăхĕ çинчен калакан юрăсем янăранă.
Фестивальте пĕрремĕш вырăна Аслă Чемен ял поселенийĕнчи культурăпа халăх пултарулăх творчествин аталану центрĕ йышăннă. Иккĕмĕш вырăнта–Турхансем, виççĕмĕшĕнче–Пăлапуç Пашьелсем.