14 мая 2010 г.
Çĕнтерÿ кунĕ умĕн, майăн 8-мĕшĕнче Чăваш патшалăх академи драма театрĕнче Пĕтĕм тĕнчери кинофестиваль уçăлнă. Унта ЧР Президенчĕ Н. Федоров та хутшăннă, кино ăстисене, куракансене саламланă. Шупашкарта çакнашкал мероприяти виççĕмĕш хут иртнĕ. Вăл çулран çул вăй илсе, тĕрекленсе пырать.
Кăçалхи кинофестиваль, вак халăхсен кинематографине халалланăскер, Аслă Çĕнтерĕвĕн 65 çулхи юбилейĕпе пĕр килчĕ. Çавăнпа та ун программинче вăрçă, совет халăхĕн паттăрлăхĕ, халăхсен туслăхĕ тата ытти темăпа çыхăннă кинокартинăсем кăтартнă.