19 мая 2010 г.
Çак кунсенче Пăлапуç Пашьелĕнче кĕске тапхăртах икĕ пушар тухнă. Инкексен сăлтавĕ вара тĕрлĕрен. А.Семеновсен хуçалăхĕнче холодильникрен хыпса илнĕ вут-çулăм çемьене кĕске хушăрах пысăк тăкак кÿнĕ. Кил хуçи хăй килте те пулман. Тепĕр темиçе кунтанах, майăн 9-мĕшĕнче, çак ялти Е.Герасимова хуçалăхĕнче хуралтăсем вут серепине лексе юрăхсăра тухнă. Сăлтавĕ–пĕчĕк ача шăрпăкпа выляни.
Умра–çуллахи каникул. Çак вăхăтра яла хуларан та йышлă ача килет. Çавăнпа та аслисен вĕсене çирĕпрех тытмалла, шăрпăкпа, вут-кăварпа алхасма памалла мар.