19 мая 2010 г.
Район прокуратури Ишлĕ тата Пăлапуç Пашьел ял поселенийĕсенче йăларан тухакан каяшсене тăкнă чухне çутçанталăка сыхламаллине тата санитари законодательствисене мĕнле пăхăннине тĕрĕсленĕ, хăш-пĕр çитменлĕхсене тупса палăртнă.
Пăлапуç Пашьел ял вĕçĕнче çÿп-çап тăкмалли ятарлă вырăн пур пулин те кунта санитари законодательствине пăхăнмаççĕ. Ăна карта тытса çавăрман, унта пыракан çул та кирлĕ пек мар. Ял тăрăхĕ йывăçсем лартас ыйтупа та ĕçлемест.
Çакнашкал çитменлĕхсенех Ишлĕ çывăхĕнчи çÿп-çап тăкмалли вырăнта та тупса палăртнă. Çутçанталăка сыхламаншăн тата санитари законодательствисене пăхăнманшăн Раççей Федерацийĕн Административлă право Кодексĕн 6.3 статйипе килĕшÿллĕн Пăлапуç Пашьел ял поселенийĕн пуçлăхне В.Никитина, Ишлĕ ял поселенийĕн пуçлăхне Л.Юркинăна штраф панă.
Ю.ФУРАЖНИКОВ,
район прокурорĕ.