Публикации » Вăхăта çилпе вĕçтерес мар темсен

22 мая 2010 г.

Шкул ачисемшĕн çуллахи каникул пуçланиччен шутлă кунсем çеç юлчĕç. Ашшĕ-амăшĕпе учительсем кашни ача ăна усăллă та, кăмăллă та ирттерччĕр тесе тăрăшмалла. Кĕçĕнрех çулхисемшĕн шкулсенче ĕçпе кану лагерĕсем ĕçлĕç. Кăмăл пуррисем район тулашĕн-чи хула лагерĕсенче канĕç. Аслă классем вара кăçал та пĕлтĕрхи пекех районти ĕçпе тивĕçтерекен центр урлă вăхăтлăх ĕçе вырнаçма пултараççĕ. Çул çитменнисем валли тĕрлĕрен организаци-предприятипе 500 вырăнлăх ĕç хатĕрленĕ. Ачасем уйăхне 850-1275 тенкĕ ĕçлесе илме пултараççĕ. Çакă, паллах, çемьешĕн те усăллă, вăхăта çилпе вĕçтерсе яни те мар.