26 мая 2010 г.
Кăçалхи çуллахи Микула кунĕ Ульяновкăра пурăнакансемшĕн нумайлăха асра юлĕ. Çак кунхине ялта ир пуçласа каçченех хаваслă кĕвĕ-юрă янăраса тăнă. Çапла пулма сăлтавĕ пĕчĕк мар.
Ял пуçланса кайни 75 çул çитнине паллă тума Йĕпреç, Елчĕк тăрăхĕсенчен, Тутар республикинчи Çĕпрел районĕнчен те йышлăн çитнĕ. Пысăк савăнăçа пĕрле пайлама халăх çирĕм ытла ялтан пуçтарăннă.
Ял халăхĕн вăйĕпе хатĕрленĕ концерт уява илем кÿнĕ. Уява пуçтарăннисем Пăлапуç Нурăсĕнчен килнĕ юрă-ташă ăстисен, Станиславпа Верония Толстов артистсен юррисене те тăвăллăн алă çупса кĕтсе илнĕ. Ульяновка 75 çул тултарнипе çыхăннă уяв пурин кăмăлне те уçнă.