26 мая 2010 г.
Пĕтĕм тĕнчери “ Языкознание для всех. Русский медвежонок” конкурс вĕçленчĕ. Туçари вăтам шкултан унта чылайăн хутшăнчĕç. Вĕсенчен 15-шĕ дипломлă пулчĕç.
Пиллĕкмĕш класра вĕренекен Е. Плешков медаль илме пултарчĕ. Вăлах çамрăксен математика чемпионатĕнче иккĕмĕш степеньлĕ диплома тата кĕмĕл медале тивĕçрĕ.
Пĕтĕм тĕнчери çамрăксен филологи чемпионатĕнче 8-мĕш класри А. Табакова виççĕмĕш степеньлĕ диплом тата пăхăр медаль çĕнсе илчĕ. Регионри иккĕмĕш степеньлĕ диплома 8-мĕш класри А. Захаров, виççĕмĕш степеньлĕ дипломсене 9 б класра вĕренекен Н. Сорокин тата Ю. Плешкова, 8-мĕшĕнчи К. Салмина (вĕрентекенĕ – О. Табакова) тивĕçрĕç.
Чи нумай балл пуçтарнă А. Кересева, А. Салихова, Р. Фасхутдинова, А.Крысова, А. Захаров, К. Салмина, Н. Сорокин, Ю. Плешкова, А. Табакова вĕренекенсене профильлĕ лагере йыхравларĕç.
Вырăс чĕлхипе литературине вĕрентекен А. Мулюковăпа О. Табаковăна ăслăлăха аталантаракан уйрăмăн дипломĕсене парса чысларĕç.
А. КУЗНЕЦОВА,
ял библиотекин ертÿçи.