05 июня 2010 г.
Çамрăк специалистсен професси ăсталăхне, статусне ÿстерес, 35 çул тултарман чи лайăх ял çамрăкĕсене хавхалантарас тĕллевпе районта акан 15-мĕшĕнчен пуçласа çу уйăхĕн 30-мĕшĕччен “Çулталăкри чи лайăх çамрăк специалист” конкурс йĕркеленĕ. Конкурса хутшăнакансене тăхăр номинаципе хаклаççĕ. Вăл шутра вĕрентÿ, сывлăха сыхлас, ял хуçалăх, строительство, культура тата ытти отрасльсене те кĕртнĕ. Тупăшăва хутшăнакансем маларах кирлĕ хутсене: хăйсем çинчен калакан сăн ÿкерчĕксемлĕ тата аудио-видео материалсене, творчество ĕçĕсене тăратнă. Çывăх вăхăтрах район пуçлăхĕн пĕрремĕш çумĕ Р. Селиванов ертсе пыракан комисси конкурса пĕтĕмлетĕ. Тивĕçлисене район администрацийĕн Хисеп грамотипе тата хаклă парнепе хавхалантарĕç.