09 июня 2010 г.
Июнĕн 7-мĕшĕнче райадминистрацин залĕнче район депутачĕсен Пухăвĕн 33-мĕш ларăвĕ иртнĕ. Ăна Пуху председателĕ М. Петров ертсе пынă.
Ларура кун йĕркинчи тăватă ыйтăва пăхса тухнă. Райадминистрацин финанс пайĕн пуçлăхĕ Т. Полякова пĕрремĕш тата иккĕмĕш ыйтусемпе – Патăрьел районĕнчи бюджетри право хутшăнăвĕсене йĕркелесси тата Патăрьел районĕн 2010 çулхи бюджетне улшăнусем кĕртесси çинчен доклад туса панă.
Кун йĕркинчи виç-çĕмĕш ыйту – “Чăваш Республикинчи Патăрьел районĕнче 2010-2020 çулсенче гражданла хÿтĕлеве аталантарасси, çут çанталăкран килекен тата техногенлă характерлă инкексене чакарасси çинчен” калакан районти тĕллевлĕ комплекслă программăна улшăнусем кĕртесси. Кун пирки район администрацийĕн гражданла оборона тата чрезвычайлă лару-тăру енĕпе ĕçлекен пай начальникĕ Г. Каллин тухса калаçнă.
Ларура ытти ыйтусене те пăхса тухнă, тивĕçлĕ йышăну тунă.