11 июня 2010 г.
Чăваш Ен Президенчĕ Николай Федоров Министрсен Кабинечĕн членĕсемпе тата федераци ведомствисен территори органĕсен ертÿçисемпе канашлу ирттернĕ.
Тăван çĕр-шывăн Аслă вăрçинче çĕнтернĕренпе 65 çул çитнĕ май Николай Федоров “Акатуй” наци уявне ирттернĕ кунсенче районсемпе хуласенче этемлĕхе фашизмран хÿтĕленĕ паттăрсене асăнма, вилнĕ салтаксен ячĕпе чечексем хума хушнă.
Президент Республика кунне мĕнле хатĕрленни çинчен каласа кăтартнă, экономика тата социаллă пурнăç пысăк пĕлтерĕшлĕ мероприятисене йĕркелеме министрсене, федераци ведомствисен территори органĕсен ертÿçисене хушусем панă.
Хула тăвас ĕç тата общество инфратытăмĕн аталанăвĕн министрĕ Александр Гончаров федерацин “2010-2015 çулсенчи пурăнмалли çурт-йĕр” тĕллевлĕ программине пурнăçласа мĕнле ĕçленине пĕлтернĕ.