Публикации » Савăнтăмăр, тупăшрăмăр, тăван яла чысларăмăр

18 июня 2010 г.

Сител кÿлли хăнасене яланах тарават. Юхмапа Пăла тăрăхĕнче çак вырăна пĕлмен, кунта шыва кĕрсе киленмен çын та сахал пулĕ. Хальхинче те ял уявне “Сидели” хуçалăх (ертÿçи А. Иванов) йĕркеленипе халăх йышлă пуçтарăнчĕ. Савăнăçа пĕрле пайлама район пуçлăхĕ Н. Глухов та кăмăл турĕ. Ака-суха ĕçченĕсене хисеп тунă хыççăн уявра спорт мероприятийĕсем тĕп вырăн йышăнчĕç. Яланхи пекех пукан йăтассипе А. Лапшин (Пÿртлĕ), хĕрарăмсем хушшинче Т. Макарова (Сител) пуринчен те вăйлăраххине тепĕр хут çирĕплетрĕç, сысна çуриллĕ пулчĕç.

Шупашкар артисчĕсем вара пуçтарăннисене хăйсен юрри-ташшипе савăнтарчĕç.

А. КОЗЛОВ.