29 июня 2010 г.
Районта иртекен Республика кунне ачасем район центрĕнчи Тĕп площадри концертпа пуçларĕç. Ăна Вĕрентекен çулталăкне халалланă. Ятарласа тунă сцена çинче юрă хыççăн юрă шăранчĕ. Пăлапуç Пашьелĕнчи вăтам шкулта вĕренекен К. Кондратьева, Л. Храмова, Патăрьелĕнчи ачасен искусство шкулĕнчи Э. Басырова, И. Глинкина, Шăнкăртамри А. Абитов, Патăрьелĕнчи Н. Рубцовăпа А. Шулаева, А. Путякова, А. Петрова, “Задоринки” фольклор ансамблĕ тата ыттисем пухăннă халăха хăйсен çепĕç сассисемпе савăнтарчĕç. А. Михайлова, Т. Толстова ертсе пыракан ташă ушкăнĕсен пултарулăхĕсем пуртан сцена çине тухма тивĕç пулнă. Аслă Чементи “Ассорти” ташăçăсен коллективĕсĕр те концерт сайра иртет.