Публикации » Выпускниксен ăсату каçĕнче

29 июня 2010 г.

Çак кунсенче районти шкулсенче выпускниксен ăсату каçĕсем иртрĕç. Йăлана кĕнĕ уява Анат Чакăра та кăмăллă йĕркеленĕ. Первомайскинчи вăтам шкулта 9-11-мĕш класран вĕренсе тухакансемпе ашшĕ-амăшĕ ялти клуба пуçтарăннă. Чăн малтанах выпускниксене пурнăçăн тĕрĕс çулĕ çине тăма ырă сунса Первомайскинчи культурăпа халăх пултарулăх творчествин аталану центрĕн директорĕ В. Верликов, ял клубĕн администраторĕ И. Филиппова ăшă сăмах каланă. Малаллахи культура программи те пуян та кăсăклă пулнă, ертсе пыракансем кашни выпускниках хăйĕн пултарулăхне, ăс-хакăлне кура тĕрлĕ номинацисемпе хакласа медальонсем парнеленĕ. Ашшĕ-амăшĕпе ачисем хушшинче йĕркеленĕ конкурс та пурин кăмăлне те кайнă.