Публикации » Таса шыва вăрлама юрать-и;

03 июля 2010 г.

Республика Президенчĕн “Таса шыв” программине пурнăçа кĕртсе район центрĕнчи хăш-пĕр урамсенче пурăнакансем чăнласах та сывлăхшăн сиенлĕ мар таса шывпа усă курма пуçларĕç. Нумай вăхăт калаçнă шухăш пурнăçа кĕни – халăхшăн пысăк парне. Анчах та пăрăх тăрăх килекен шыв колонкисемпе хăшĕ-пĕри вăрă-хурахлах усă курма пуçланă-мĕн. Мичурин урамĕнчи колонкăран Шăнкăртамсем таса шыва колонка çăварне вăрăм шланг чиксех 200-300 литрлă савăтсемпе кашни каçах илсе кайнишĕн çакăнта пурăнакансем питĕ пăшăрханаççĕ. Вĕсен пăлханăвне ăнланма пулатех. Ăш-чикке юрăхлă таса шыва кашниех çапла çăткăнла вăрласан мĕн пулĕ-ши;