03 июля 2010 г.
Вăраха тăсăлнă уяр та типĕ çанталăк пурин умне те пысăк хăрушлăх кăларса тăратать. Шăрăха парăнтарас тесе кÿлĕсенче шыва кĕрекенсен те питĕ асăрхануллă пулмалла. Çак кунсенче çеç, Сител ялĕ çывă-хĕнчи кÿлĕре пĕр вăйпитти арçын путса вилнĕ.
Пĕр евĕр тăракан типĕ çанталăк вут-кăвар алхасасран та тимлĕ пулма ыйтать, мĕншĕн тесен çĕртме уйă-хĕнче çеç 4-5 пушар пулчĕ. Районти пушар хуралĕнчен пĕлтернĕ тăрăх, хальхи вăхăтра типĕ курăка, урамри çÿп-çапа вут хыпса илнĕ тĕслĕх нумай. Çак сăлтавпа çеç тепĕр чухне кунне пилĕк хутчен те пушар машинисене хускатма тивет. Çавăнпа та уяр çанталăкра пурин те пур енлĕ сыхă пулмалла.
Çак кунсенче Мари Эл Республикинче вăрман çунать. Район çыннисем сăнарĕç пулĕ, унăн тĕтĕмĕ каçсерен пирĕн тăрăха та хупласа илет.