Публикации » Шăрăхра шыва кĕрсе ан улталанăр!

10 июля 2010 г.

Кăçалхи евĕр тăракан типĕ те шăрăх кунсене чыла-йăшĕ ас тумаççĕ те пулĕ. Хальхи вăхăтра шăрăха кăштах та пулин сирсе ярас тесе хăшĕ-пĕри шыва кĕрет, чÿхенсе тухать. Çакăн пек чухне шăпах пурин те асăрханмалла. Инкек тени пĕрре çеç пулать. Çак кунсенче, Хирти Пикшикри ял варринчи кÿлĕре аслă класра вĕренекен хĕр ача путса вилнĕ. Каçал тăрăхĕнчен хăнана килнĕскер, тантăшĕпе пĕвере шыва кĕрсе çеç уçăлма шутланă. Анчах ĕçĕ синкерлĕ пулса тухнă. Ятарлă служба ĕçченĕсем вăрах вăхăт шыранă хыççăн çеç хĕр ачана тупнă. Шел, ун чухне хĕрĕн чĕри тапман. Çавăнпа та шыва кĕрекенсен питĕ асăрхануллă пулмалла.