Публикации » Федоровсене – сумлă награда

14 июля 2010 г.

Çамье тата юратупа шанчăклăх кунĕнче Шупашкар – Чăваш Ен епархийĕн митрополичĕ Варнава Чăваш Республикин Министрсен Кабинечĕн Председателĕпе Нина Суслоновăпа ЧР Сывлăх сыхлавĕпе социаллă аталану министрне Венера Муллинăна йышăннă. Тĕл пулăва Шупашкар – Чăваш Ен епархийĕнчи 25 çул тата ытларах мăшăрпа пурăнакан священниксен çемйисене те чĕннĕ.

Нина Владимировна 6 мăшăра “Юратупа шанчăклăхшăн” медальпе чысланă. Сумлă награда илнисем хушшинче Патăрьелĕнчи Александр Невский ячĕллĕ чиркÿ настоятелĕ Алексей Кириллович тата Анастасия Александровна матушка та пур. Федоровсем 48 çул пĕрле килĕштерсе пурăнаççĕ, 6 ача пурнăç çулĕ çине тăратнă.

А. ИВАНОВ.