14 июля 2010 г.
Чылай чухне çынсем пĕлсе тăрсах йĕркене пăхăнмаççĕ, хăйсен пайтишĕн саккуна хирĕç каяççĕ. Ун пеккисен вара хăйсен ĕçĕшĕн, тĕрĕсмарлăхĕшĕн явап тытма тивет. Районти шалти ĕçсен пайĕн сотрудни-кĕсем çакнашкал фактсемпе час-часах тĕл пулаççĕ. Çулталăк пуçланнăранпа районта икĕ хутчен “Суррогат” оперативлă профилактика мероприятийĕ иртнĕ. Çакă ытларах кил условийĕнче спирт тытăмлă шĕвек туса сутассипе çыхăннă. Йĕрке хуралçисем вун тăхăр çын ячĕпе протокол çырнă, вĕсене кашнинех пилĕкшер пин тенкĕ штраф панă.
Сăмакун сутакансем хăйсен пайтишĕн çапла хăтланни саккун йĕркине пăсни çеç мар, çавăнпа пĕрлех вĕсем пĕлсе тăрсах çынсен сывлăхне те хавшатаççĕ.