17 июля 2010 г.
Шăрăх çанталăка пула та пулĕ кăçал районта çине-çинех пушар тухать. Иртнĕ шăматкун çеç Сăкăтра Ф. Правительсен çемйи çак сăлтавпа пысăк тăкак тÿснĕ. Инкекре çурчĕ те, хуралтисем те çуннă. Районти пушар хуралĕн инспекторĕсем тĕпченĕ тăрăх, пушар тухнин сăлтавĕ каллех пĕчĕк ачан айванла ашкăнăвĕпе çыхăннă. Кăçал çеç пирĕн тăрăхра мăнуксен айăпĕпе пиллĕкмĕш çемье шар курчĕ.
Утă уйăхĕн 14-мĕшĕнче вара Упамсари Н. Урусов хуçалăхĕ вут-кăвар серепине çакланнă. Инкекре каллех çурчĕ те, хуралтисем те сиенленнĕ.
Вăрах вăхăта тăсăлнă шăрăхра сывлăха сиенлесрен те уянмалла, пушартан та сыхланмалла. Çывăх пулсан та кайран чавсана çыртаймăн.