17 июля 2010 г.
Милицин участокри инспекторĕсем вырăнсенчи преступление уçса парас, халăхпа тачă çыхăну тытас, тĕрлĕрен темăпа профилактика ирттерес, обществăлла йĕркелĕхе тытса тăрас ĕçре пысăк вăй йышăнаççĕ. Пирĕн районта вун тăхăр ял поселенинче милицин вун виçĕ участокри инспекцийĕ. Яваплă ĕçре кăтартуллă ĕçлекен инспекторсем сахал мар. Сăмахран, М. Кудряшов Турханпа Аслă Чемен, З. Камалетдинов Шăнкăртам, А. Каруков Туçа ял поселенийĕсенче кăтартуллă ĕçленине палăртмалла. Йĕрке хуралĕнчи опычĕ вĕсен пĕчĕк мар. Участковăйсем вырăнсенче обществăлла йĕркелĕхе пăхăнас, преступлени тăвассине чакарас тĕлĕшпе чылай тăрăшаççĕ, çак тĕллевпе кирлĕ органсене те явăçтараççĕ.
Районта оперативлă лару-тăру, тăнăçлăх, йĕркелĕх чăн малтанах вырăнсенчи участокри уполномоченнăйсем мĕнле хастарлăхпа ĕçленинчен килет. Çавăнпа та пирĕн хамăрăн вăя хавшатмалла мар.
В. КИРГИЗОВ,
райшалĕçпайĕн милицин участокри уполномоченнăйĕсен
начальникĕ.