21 июля 2010 г.
Анат Тăрмăшĕнче шкул уçăлнăранпа 100 çул çитнине паллă турĕç. Пĕр ĕмĕр хушшинче улшăнусем сахал мар пулнă ялта. Пуçласа шкулта вĕренме çул çитнĕ ачасем хĕрĕхĕн пулнă. Вăхăтĕнче вĕсен йышĕ 325 шутланнă. Халĕ вара шкул сада çÿреме тивĕçлисем тăватă теçеткене яхăн.
Уява ял халăхĕ йышлă пухăнчĕ. Пурин пурнăçĕ те шкулпа çыхăннă-çке. Малтанах шкул 100 çул тултарнине халалласа Н. Еремеев тăрăшнипе кăларнă кĕнекене презентацилерĕç. Ти-вĕçлисене Хисеп грамотисемпе наградăларĕç. Çĕр-шывăн тĕрлĕ кĕтесĕнчен килнĕ уяв саламĕсем вуланчĕç.
Ачасен, учительсен, ял халăхĕн вăйĕпе хатĕрленĕ пĕрлехи концерт пурне те килĕшрĕ. Пĕр класра вĕреннисен тĕл пулăвĕсем иртрĕç. Кун çутипе пуçланнă уяв шуçăмчченех тăсăлчĕ.
А. ИВАНОВА.