24 июля 2010 г.
Раççей Президенчĕ Дмитрий Медведев Чăваш Ен Патшалăх Канашне Чăваш Республикин Президенчĕн тивĕçĕсене пурнăçлама премьер-министрĕн çумĕн, ял хуçалăх министрĕн Михаил Игнатьевăн кандидатурине пăхса тухма сĕннĕ. Çакăн пирки çĕр-шыв ертÿçин пресс-службинчен пĕл-тернĕ.
Утă уйăхĕн 13-мĕшĕнче “Единая Россия” парти РФ Президентне Дмитрий Медведева Чăваш Республикин ертÿçине суйлама виçĕ кандидат сĕннĕ, вĕсем хушшинче Михаил Игнатьев та пулнă.
Чăваш Ен Президенчĕн Николай Федоровăн полномочийĕ çурла уйăхĕнче вĕçленет. Вăл республикăна 1994 çултанпа ертсе пырать. РФ Патшалăх Думин спикерĕ Борис Грызлов каланă тăрăх, Чăваш Ене 16 çул ертсе пынă Николай Федоров хăйĕн кандидатурине тепĕр хут сĕнессине хирĕç пулнă. “Вăл республикăри ĕç тăвакан влаç ертÿçине çĕнĕ çынна суйлани тĕрĕс пулнине пĕлтернĕ”, – тенĕ политик.
(ИТАР-ТАСС).