Публикации » Маттурах çав ентешсем!

24 июля 2010 г.

Настя Прокопьева пирки хамăр хаçатра çырнăччĕ. Вăл Ишлĕри пĕтĕмĕшле пĕлÿ паракан тĕп шкулта вĕреннĕ вăхăтра çăмăл атлетикăпа туслашнă, çуран чупассипе пĕрре мар çĕнтерÿçĕ ятне илтнĕ. Унăн пĕрремĕш тренерĕ Михаил Прокопьев пулнă. Хальхи вăхăтра вăл Çĕнĕ Шупашкарти ачасемпе çамрăксен олимп резервĕсем хатĕрлекен 3-мĕш спорт шкулĕнче хăйĕн ăсталăхне туптать. Нумаях пулмасть Настя Шупашкарта çăмăл атлетсен Раççей шайĕнче иртнĕ ăмăртăвĕнче 800 метрлă дистанцире пĕрремĕш вырăна тухнă. Спорт мастерĕн кандидачĕн нормине тултарнă. Çавăн пекех ентешĕмĕр Раççей шайĕнчи сумлă премие, 60 пин тенкĕ илме тивĕçнĕ. Хаклă парне валли тивĕçлĕ хутсем тăратнă.