24 июля 2010 г.
Пĕтĕм Раççейри халăх çыравĕ çывхарсах пырать. Хатĕрленÿ тапхăрĕнче чылай мероприятие туса ирттертĕмĕр ĕнтĕ. Халĕ халăх пирки кăтарту пуçтаракансене ĕçлеме тата çырав хучĕсемпе ытти докуменчĕсене упрамалли пÿлĕмсем тупас ыйтупа тимлетпĕр. Вĕсем ятарласа сыхлакан çуртсенче вырнаçмалла е хурал тăратмалла, алăкĕсем çирĕп те тĕреклĕ пулмалла. Пĕрремĕш хутра-тăк, чÿречесене решеткепе хупламалла. Унсăр пуçне пушар сÿнтермелли хатĕрсемпе тивĕçтермелле. Çавăн пекех, сĕтел-пукан лартмалла, çырав хучĕсене тытма тимĕр шкаф, шанчăклă çыхăну кирлĕ. Çакăн пек пÿлĕмсем районта 21 çĕрте хатĕрлеме палăртнă: 14-шĕ инструкторсем валли, 7-шĕнче инструкторсемпе пĕрлех çырав участокĕн заведующийĕ валли те кĕтес пулать. Пÿлĕмсем тĕпрен илсен ял администраци çурчĕсенче пулаççĕ, виçĕ çĕрте ялти клубсене арендăна параççĕ.
Г.АФАНАСЬЕВ,
районти çырав уполномоченнăйĕ.