28 июля 2010 г.
РФ Прокуратури çумĕнчи Следстви комитечĕн Чăваш Республикинчи следстви управленийĕн Патăрьелĕнчи районсем хушшинчи следстви пайĕ пĕрремĕш çур çулта пурнăçланă ĕç-хĕлне пĕтĕмлетнĕ.
Канашлăва районсем хушшинчи следстви пайĕн ĕçченĕсемсĕр пуçне Патăрьел, Шăмăршă, Комсомольски тата Елчĕк райо-нĕсен прокурорĕсемпе шалти ĕçсен пайĕн начальникĕсем, РФ Прокуратури çумĕнчи Следстви комитечĕн Чăваш Республикинчи управленийĕн представителĕ А. Ларионов хутшăннă.
Следстви пайĕн пуçлăхĕ Р. Шайхалов палăртнă тăрăх, преступленисене шута илесси 0,3 процент, сывлăха сиен кÿрес тĕлĕшпе тунă преступленисем (кайран аманнипе вилнĕ тĕслĕхсем) 50 процент чакнă.
Коррупципе çыхăннă преступленисене тупса палăртассипе те лайăх ĕçлени сисĕнет.
Следстви пайĕн ĕçченĕсем çур çул хушшинче 68 уголовнăй ĕç пуçарнă, вĕсенчен 57-не пĕтĕмпех тĕпчесе уçса панă.
(Хамăр корр.).