Публикации » Алла-аллăн – 50 çул

28 июля 2010 г.

Ылтăн туйччен пĕрле пурăнакан упăшкипе арăмне чăннипех те телейлĕ мăшăр темелле, мĕншĕн тесен ун пеккисем сахалăн. Нăрваш Шăхалĕнчи Борис Гавриловичпа Антонина Степановна Кошкинсем пĕр çемье чăмăртанăранпа кăçал шăпах çур ĕмĕр. Иккĕшĕ те ял-йышра хисеплĕ çынсем. Сăмах май, Борис Гаврилович “Авангард” хаçатăн çывăх тусĕ. Кошкинсем икĕ ывăлпа икĕ хĕр пăхса ÿстернĕ, пĕлÿ парса пурнăç çулĕ çине кăларнă. Кил хуçипе мăшăрĕ тивĕçлĕ канăва кайичченех “Труд” хуçалăхра вăй хунă. Борис Гаврилович 38 çул звено ертÿçинче тăрăшнă. Унран ытти арçынсен тĕслĕх илмелĕх те пур, вăл 1976 çултанпа эрех те ĕçмест, пирус та туртмасть.