28 июля 2010 г.
Республика кунĕ тĕлне Патăрьелĕнчи пур организаци-предприяти хăйсен умĕсене тирпейлерĕ, чечексем лартрĕ. Уяв хыççăн вара чылайăшĕ хитрелĕх çине алă сулчĕ. Пахчасем çум курăк ăшне путрĕç, мăянсем хушшинче çеçкисем аран-аран курăнаççĕ.
Елчĕкрен Патăрьелне килнĕ чухне сулахай енче юлакан тротуар айккипе те пиçенпе мăян район центрне “илемлетеççĕ”. Ашкăрса кайнăскерсем чăн-чăн çĕр хуçи пек лараççĕ.
Савăнăçлă мероприятие хутшăннисем пирĕн тăрăха тепĕр хут çаврăнса килес пулсан мĕн шухăшланă пулĕччĕç-ши; Илемпе тирпей Республика кунĕччен, хăнасене кĕтсе илме кăна кирлĕ-шим;