31 июля 2010 г.
Патăрьелĕнчи Карл Маркс урамĕнче çырмана резервуартан килекен пăрăх тăрăх тап-таса шыв юхать, çавăнпах ăна чылайăшĕ çăл куçран тесех шухăшлаççĕ. Шăрăх çанталăка пула пусăсем типнипе нумайăшĕ кунта витре йăтса килеççĕ. Апат пĕçерме те, пахча-çимĕçе шăварма та илсе каяççĕ. Шывран инçех мар тавралăха илемсĕрлетсе выртакан çÿп-çап купи кăмăла пăсать. Ăпăр-тапăра тасаттарса та, çывăхра пурăнакансене штраф та парса пăхнă иккен, анчах усси çук. “Çăла ан сур, хăвăнах ĕçмелле пулĕ”, тенĕ ĕлĕкхи ватăсем. Манăн вара урăхлатса çапла калас килет, тавралăха ан варала, сиенĕ хăвна та пырса тивĕ.