07 августа 2010 г.
Шăрăх çанталăкра пушар иртĕнсех кайрĕ, унта та кунта вут-çулăм тухнă тĕслĕхсем тупăнсах тăраççĕ. Августăн 5-мĕшĕнче, çур çĕр иртни пĕр сехет те 50 минутра, Патăрьелĕнчи пушарниксен татах “хĕрлĕ автанпа” кĕрешме кайма тивнĕ. “Первомайск” хуçалăхăн пăру витине вут тивнĕ. Инкек мĕнле сăлтава пула тухни хальлĕхе паллă мар. Пушарта, малтанхи кăтартусем тăрăх, 31 çамрăк пăрупа 1 лаша çунса вилнĕ. Пысăкраххисене, вите çумĕнчи картара тăнăран, сыхласа хăварнă. Çулăмра хуралтăн пĕр пайĕ кĕлленнĕ.