11 августа 2010 г.
Чăваш Республикин Патшалăх Канашĕн депутачĕ Олег Викторов Юхмапа Пăла тăрăхĕнчи лару-тăрупа тĕплĕнрех паллашас шутпа Патăрьелĕнче пулнă.
Олег Николаевич малтан район пуçлăхĕпе Николай Глуховпа тĕл пулнă, вырма ĕçĕсемпе, ялсемпе вăрмансенчи пушар хăрушсăрлă-хĕпе, çĕнĕ вĕренÿ çулне хатĕрленессипе, приоритетлă наци программисем пурнăçа мĕнлерех кĕнипе паллашнă, умри тĕллевсене çивĕчлетнĕ.
Çавăн пекех депутат халăха хăйсен ыйтăвĕсемпе йышăннă, хуравсем панă. Ыйтусем хушшинче çакăн йышшисем ытларах пулнă: çамрăк специалистсем ĕçе вырнаçасси, нумай ачаллă çемьесене патшалăх енчен тимлĕх уйăрасси тата ытти те.
А. ИВАНОВ.