11 августа 2010 г.
Пусăсенчи, кÿлĕсенчи шыв типни никамшăн та савăнăç мар. Унсăрăн пĕр кун та пурăнаймастпăр. Е тата пушар тухсан мĕнпе сÿнтермелле; Вут-çулăмран çÿлти Пÿлĕхçĕ те сыхлатăр, çавăн пекех хамăрăн та асăрханмалла. Ишлĕре, Нурăсра пурăнакансем çакна асра тытса пурте пĕрле пухăнса Ишлĕ ялĕ патĕнче Пăлана пĕвеленĕ. Юхан шыва юхса кĕрекен тăватă çăл куçа тасатса çаврасем янă. Ватти те, вĕтти те çак ĕçпе кăмăллă. Ытти ялсенче пурăнакансен те вĕсенчен тĕслĕх илсен аван.
Упамсара пушартан сыхланса прицеп-цистерна тунă. Ăна çак ялта пурăнакансем хăйсемех пуçтарнă. Пĕри килĕнче усăсăр выртакан автомашина кустăрмисене, тепри – цистерна, виççĕмĕшĕ машинăн рамине панă.