11 августа 2010 г.
Районти “Авангард” хаçат редакцийĕнче нумай пулмасть Кивĕ Ахпÿртре пурăнакан А. Павловăн “Калавсем” ятлă кĕнеки пичетленсе тухрĕ.
Кĕнекере пурĕ 13 калав, вĕсем пурте çăмăллăн вуланаççĕ. Иртнĕ самана пирки унта хускатнă ыйтусем хальхи пурнăçшăн та питĕ çывăх. Аслă çулхисем произведенисене вуланă май çамрăклăха тепĕр хут таврăнма пултараççĕ. Яш-кĕрĕмшĕн юрату теми кунта кăсăклă. Пурнăçра темле йывăрлăх сиксе тухсан та пуçа усмалла марри, йăнăш утăмшăн хăвăнах явап тытма тивни, çын юратусăр, шанчăксăр пурăнайманни калавсенче тĕп вырăн йышăнать.
Александр Алексеевич калавсем кăна мар, сăвăсем те çырать. Вĕсем те “Авангард” хаçатра час-часах пичетленеççĕ.