Публикации » Ырă ĕç çĕре те ÿкмĕ, харама та каймĕ

18 августа 2010 г.

Шăнкăртамри Минхайдар Нуруллович Якупов пирки паян чылайăшĕ пысăк тав сăмахĕ çеç калать. Çак хастар хăйĕн вăйĕпе ялти тăваттăмĕш прихутри М. Исмагил ячĕллĕ мечĕте юсаса ун таврашне тирпей-илем кĕртме пикеннĕ. Хальхи вăхăтра кĕлĕ çуртĕнчи урай хăмисене çĕннисемпе улăштарнă, стенасене обойсемпе çыпăçтарса сăн кĕртнĕ, маччине çĕнетнĕ, люстрăсем çакнă тата ытти те. Çывăх вăхăтрах çĕнĕ сĕтел-пукан, кавирсем илсе килĕç. М. Якуповăн мечĕте капăрлатас туйăм ача чухнех çуралнă, мĕншĕн тесен унăн ашшĕ – Нурулла абый çак мечĕт уçăлсанах кунта кĕлĕсене çÿренĕ. Халĕ вара Минхайдар Нурулловичпа ывăлĕ мечĕтпе питĕ çывăх.